|
Consentement de Jean-François de Gondi, archevêque de Paris, au transfert de Port-Royal à Paris (24 Août 1625). Joannes Franciscus de Gondy, &c. Cum saepius nobis ex parte dilectarum in Christo filiarum Abbatissae, Monialium & Conventûs Monasterii beatae Mariae à Portu-Regali, noftrae Diocefis, Ordinis Cisterciensis, fuerit expofita urgens necessitas transferendi illud Monafterium in hanc Urbem aut Sub-urbia, quia nullae adjacent urbes ex quibus dictae supplicantes levamen aliquod & remedia consequi possent in suis necessitatibus & langoribus satis ordinariis propter sui Monafterii ingratum situm in loco sanitati & bonae valetudini penitûs contrario, humido, nebulofo & aquis ubique scaturiente, aedificati in valle profunda & angusta, altis montibus iisque arenofis & arboribus majori ex parte adumbratis supra Ecclesiam & reliqua Conventûs loca eminentibus obnoxii, etiam frequentibus innundationibus & aquarum diluviis quas per medium areae & clausurae conventus effluere necesse est ; ideo annuatim media Monialium pars longis ac difficilibus morbis detinetur. Nos priùs quam super dicto libello quod juris esset statueremus die 18 Aprilis anni 1625, commisimus Magistrum Dionysium le Blanc, Presbyterum Canonicum & Archidiaconum in Ecclelia nostra Parisiensi, Vicarium nostrum generalem & Jurisdictionis nostrae Praepositum sive Officialem, ut ad dictum Monasterium proficisceretur, assumpto secum qui sibi assisteret Magistro Joanne Dupont Rectore Parrochialis Ecclesiae sancti Nicolai à Campis, nostro in directione nostrae Dioecesis Consiliario, una cum Promotore & Secretario nostris. Visis processu verbali descensus super dicta loca per dictum nostrum /160/ Vicarium generalem ut suprà comitatum processum verbalem & requisitionem, una cum actis instrumentis, quorum articulorum pro nobis & nostris successoribus Archiepiscopis porrectorum peu defundum Reverendum in Christo Patrem Fratrem Nicolaum Boucherat, dum viveret Abbatem de Cistercio & totius Ordinis Cisterciensis Generalem, ac per Reverendum Abbatem de Charmoya ejus Vicarium generalem, de potestate & authoritate ad nos spectante super dicto Monasterio ratione dictae translationis requisitae ; statuimus nostro Promotori communicari, visis etiam dicti Promotoris nostri conclusionibus, quibus inter caetera consentit ut dicto libello supplici annueremus sub conditionibus inibi declararis ; visis quoque dictis articulis confectis & oblatis per defunctum dictum Abbatem de Charmoye. Nos consentimus dictum Monasterium, Abbatissam, Moniales & Conventum transferri quantotius commodè fieri poterit de dicto loco Portus-Regalis in suburbia Sancti Jacobi hujus urbis, in domum de Clagniaco nuncupatam, & in eadem domo de Clagniaco praedictum Monasterium institui, fundari & erigi nomine Portus-Regalis. Praedicta Abbatissa & Moniales, Nos & successores nostros Archiepiscopos superiores agnoscent ac Jurisdictioni nostrae inposterum submittentur, in his praesertim quae super dictos articulos definita & decreta fuerunt juxta conditiones ibidem praescriptas conformiter ad sacri Concilii Tridentini sanctiones & ordinationes ; praetereà functiones regulares caeteraque munia Monachalia disciplinae & regulae StiBenedicti ac strictioris observanti Cisterciensis Ordinis secundum constitutiones dicti Ordinis & fundationes in dicto Cœnobio de Portu-Regali à fundatoribus & benefactoribus factas & observari solitas punctuatim & praecisè custodientur, atque etiam ad onus procurandi non solum sed etiam perpetuo exequendi per dictam Abbatissam, Moniales & Conventum tam praesentes quam futurae, ut quotidiè sacro sandum Missae sacrificium per unum Presbyterum saecularem Capellanum pro salute omnium fidelium maxime fundatorum & benefactorum in Ecclesia dicti loci antiqui de Portu-Regali post migrationem integram & recessum praedictarum Monialium, earumque & totius Conventus sumptibus devotè celebretur. Deindè praesatam Ecclesiam antiqui Monasterii ejusdem loci sacro-sancta Templa & domicilia Capellani feu Presbyteri bene constructa, aedificata, sarta & tecta custodiantur, insuper pro occupatione dicti loci de Clagniaco in dictis suburbiis Sancti Jacobi in quo clausura Monasterii tantûm existet assignavimus summam decem librarum Turonensium Rectori Parrochialis Ecclesiae sanctorum Jacobi & Philippi pro recognitione prima die mensis Maii persolvendam ab Abbatissa & Conventu praedictis, ultra & sine praejudicio caeterarum reservationum, jurium Parrochialium dicti Rectoris fusius declaratarum per dictos articulos concernentes perfonas saeculares ac domesticas extra clausuram dicti Monasterii de novo aedificandam pro tempore existentes.
Datum Parisiiis anno 1625 die 14 Augusti.
Sources : Henri Sauval, Histoire et recherches des antiquités de la ville de Paris, à Paris, chés Charles Moette et Jacques Chardon, 1724, tome 3, p. 159-160. |